काठमाडौं। बागमती नेत्रहीन क्रिकेट संघको ११औँ साधारण सभाअन्तर्गत चौथो अधिवेशनबाट सागर लामाको नेतृत्वमा ९ सदस्यीय नयाँ कार्यसमिति सर्वसम्मत रूपमा निर्वाचित भएको छ।
संघको प्रचलित विधान नियमावली तथा निर्वाचनसम्बन्धी व्यवस्थाअनुसार निर्वाचन निष्पक्ष पारदर्शी र लोकतान्त्रिक प्रक्रियाबाट सम्पन्न गरिएको हो। निर्वाचन संयोजक राजेन्द्र दुलाल क्षेत्रीको संयोजकत्वमा सम्पन्न निर्वाचनबाट नयाँ कार्यसमिति चयन गरिएको हो।
नवनिर्वाचित कार्यसमितिको अध्यक्षमा सागर लामा उपाध्यक्षमा सुगम भट्टराई र सचिवमा मनिष बाबु पौडेल चयन भएका छन्।
अन्य सदस्यसहित ९ सदस्यीय कार्यसमिति गठन गरिएको छ।
नवनिर्वाचित कार्यसमितिलाई नेत्रहीन क्रिकेट संघका अध्यक्ष पवन घिमिरे र उपेन्द्र श्रेष्ठले बधाई तथा सफल कार्यकालको शुभकामना व्यक्त गरेका छन्।
नयाँ नेतृत्वले नेत्रहीन क्रिकेटको विकास खेलाडीको क्षमता अभिवृद्धि तथा संघको संस्थागत सुदृढीकरणमा प्रभावकारी भूमिका खेल्ने अपेक्षा गरिएको छ।
