काठमाडौं । भोटेकोसी नदीमा बुधबार आएको बाढीका कारण रसुवा र धादिङमा सातजनाको शव फेला परेको छ ।
वाग्मती प्रदेश प्रहरी कार्यालयका अनुसार रसुवामा चार र धादिङमा तीनजनाको शव फेला परेको हो । फेला परेका शवको पहिचान भने खुल्न सकेको छैन ।
बुधबार भोटेकोसी नदीमा आएको बाढीले नदी आसपासका क्षेत्रमा ठूलो जनधनको क्षति पुर्याएको प्रहरीले जनाएको छ । बाढीपछि नदी किनार तथा प्रभावित क्षेत्रमा खोजी तथा उद्धार कार्य जारी रहेको छ ।
बाढीबाट भएको क्षतिको थप विवरण संकलन भइरहेको प्रहरीले जनाएको छ । घटनाबारे थप विवरण भने आउन बाँकी छ ।
